This website is a reflection of the life and work of Dr. Rajesh Kapse, a man who wears many hats with humility and grace. As the Unit Head at RJ Sankara Eye Hospital, Panvel, Dr. Kapse has been a pioneer in extending quality eye care to underserved communities across rural India. He is also a strong advocate for eye donation, passionately working to spread awareness about the noble cause.

After years of working in the medical field, Dr. Kapse found another calling—literature. His foray into writing began with a travelogue titled “Nigeria,” published in 2023, which provided readers with an honest and immersive glimpse into the country’s vibrant culture. Through his books, Dr. Kapse aims to bridge the gap between the professional and the personal, offering readers stories that are insightful, relatable, and deeply human.

This website is not just an author’s portfolio; it’s a window into a life committed to service and storytelling. What makes Rajesh Kapse Books unique is the authenticity and experience behind each word. Every book is backed by real-life experiences, whether in the operation theatre or in the heart of a foreign land.

डॉ. राजेश कापसे ह्यांचे हे पुस्तक नायजेरिया देशावर एक नवा प्रकाशझोत टाकते, एका वैद्यकीय व्यावसायिकाच्या दृष्टीकोणातून. ह्यापूर्वी मी मराठीमध्ये, शोभाताई बोंद्रे आणि शेतीतज्ञ धोंडेसर ह्यांची पुस्तके वाचली आहेत….काळाबरोबर देश आणि तिथले वास्तव बदलत असते.व्यवस्थाही बदलत असतात.ह्या साऱ्याचे यथातथ्य पण ललित शैलीमधले वर्णन राजेशच्या लिखाणात आहेच.त्याच्या मिश्कील, परंतु अभ्यासू स्वभावाचा प्रत्ययसुध्दा वारंवार येत रहातो.ह्यपुढे फक्त प्रवासवर्णनच नव्हे तर विविध विषयांवरचे त्याचे लिखाण वाचायला मिळावे अशा शुभेच्छा!

डॉ. आनंद नाडकर्णी

"अनेकजण खूप प्रवास करतात पण पोहचत कुठेच नाहीत. प्रवासासाठी वेळ आणि पैसा पुरेसा असतो. पोहचण्यासाठी मात्र संवेदनशील मन लागतं. राजेश कापसेंनी केलेला नायजेरियाचा प्रवास हा एका संवेदनशील मनाचा प्रवास आहे. नोकरीच्या निमित्ताने भारतीय तरुणाई परदेशात जाणे, हा नित्याचा प्रकार झालाय. त्या हिशोबाने हजारो (लाख्खो) प्रवास-वर्णनं प्रकाशित व्हायला पाहिजे होती. पण तसं होताना दिसत नाही. तुरळक लोकांत कापसे हा अनुभवाचा खजिना आपल्या हाती देताना दिसतात. लेखकाला आवश्यक असणारी भोव-तालाबद्दलची जिज्ञासा आणि संवेदना कापसे यांच्यात आहे. त्यामुळेच आपल्या अनुभवातून नायजेरियाची वेल्हाळ गोष्ट त्यांनी या पुस्तकात सांगितली आहे.

बीबीसी वाहिनीवर प्रवासावर आधारित कार्यक्रम असतात. तो सूत्रधार त्या अनोख्या प्रदेशाची सफर घडवत असतो. तिथला भूगोल, समाज, संस्कृती, इतिहास, भाषा, खानपान... अशी सांगोपांग माहिती घरबसल्या मिळते. तद्वत हे पुस्तक वाचताना लेखक आपल्याला नायजेरियाचं लोभस दर्शन घडवतो. भोगौलिक वर्णनं, समाज जीवन, इतिहास, संस्कृती, दारिद्र्य, खानपान, विवाह पध्दती, राजकारण, आर्थिक मंदी, आरोग्य, अंधश्रद्धा, गुलामगिरी अशा अनेक अंगांनी इथे नायजेरिया उजागर झालेला आहे. सांगताना कुठलाही आविर्भाव नसल्यामुळे ही गोष्टी वेल्हाळ शैली वाचकाला पकडून ठेवते. हे पुस्तक वाचल्यावर आता, नायजेरिया पाहण्यासाठी मुद्दाम जाण्याची गरज मला स्वतःला तरी वाटत नाही. हा अनुभव वाचनीय तर आहेच पण स्लेव्ह म्युझियमच्या निमित्ताने अंतर्मुख करणाराही आहे. नायजेरियातील गुलामाची करुण कहाणी वाचताना मन सुन्न होतं, अंगावर शहारे येतात.

लहानपणी गोदाकाठच्या गंगाखेडी दुडूदुडू धावणारा एक संवेदनशील मुलगा, प्रतिकूल परिस्थितीत हिमतीने नायजेरियात जाऊन स्वतःचे कर्तृत्वच सिद्ध करीत नाही तर तिथला भोवतालही समजून घेतो. त्या प्रवासाची लोभस गोष्ट म्हणजे हे वाचनीय पुस्तक आहे."

दासू वैद्य

डॉ. राजेश कापसे यांची कामानिमित्त भेट घेतली, कामाचे बोलून झाल्यावर त्यांच्या ऑफिस मधून बाहेर पडतांना माझे लक्ष टेबलावर ठेवलेल्या नायजेरिया शीर्षक असलेल्या पुस्तकाकडे गेले आणि मी ते पुस्तक मागून घेतले. पुस्तक वाचायला हातात घेतल्यावर मुखपृष्ठावरून नायजेरियातील संपन्न कला, संस्कृती, नैसर्गिक साधन संपत्तीचे प्रतिक वाटले. मलपृष्ठ नायजेरियातील दारिद्र्य व आर्थिक शोषण सूचित करते. कुठल्याही समाज जीवनात पूर्ण समानता ही कुठल्याही स्थळी व काळी नव्हती आणि पुढेही नसणार. हे वास्तव मान्य केले तरी माणसाला माणूस म्हणून नाकारले जाते हे तेथील गुलामगिरी, दारिद्र्यावरून दिसून येते. साधी सोपी भाषाशैली, छोटी वाक्य रचना, परंतु अभ्यासपूर्ण आणि वास्तव वर्णन त्यांच्या लिखाणात आहे. त्यामुळे सामान्य वाचकालाही खिळवून ठेवण्याचे सामर्थ्य या प्रवासवर्णनात आहे . प्रत्येक प्रसंग वाचकाच्या डोळ्यासमोर चित्रपटांप्रमाणे पुढे सरकतो. नायजेरियन समाजजीवनातील कला, संस्कृती, इतिहास नैसर्गिक साधनसंपत्ती याचे दर्शन होते. 'कलाबार' या शहराचे वर्णन विशेष आवडले, कारण नावाप्रमाणेच कलाबारमधील समाजजीवनात 'कला' आणि 'बार' (नाईट क्लब) दोघांचाही यथायोग्य संगम आहे. डॉ. राजेश कापसे यांनी नायजेरियातील प्रतिकूल परिस्थितीतही आरोग्य विभागाच्या शाश्वत विकासासाठी जिद्दीने आणि प्रामाणिक प्रयत्न करत प्रकल्प पूर्ण केला त्यासाठी विशेष कौतुक करावेसे वाटते. यापुढेही सर्वसामान्यासाठी सामाजिक कार्य आणि लिखाण आपल्या हातून होत राहो, याच सदिच्छा. आपला शुभचिंतक,

जितेंद्र जाधव

उत्कंठा, कुतूहल, उत्साह आणि सूक्ष्म निरीक्षणांनी भारलेले प्रवासवर्णन....!

जेव्हा जेव्हा प्रवास करणाऱ्या व्यक्तीचा हेतू केवळ विरंगुळा म्हणून, मौजमजेसाठी म्हणून नसतो, तेव्हा तेव्हा त्या व्यक्तीने लिहिलेले प्रवास वर्णन रंजक आणि वाचनीय असतेच; शिवाय ऐकलेल्या, पाहिलेल्या देशाचे-प्रदेशाचे अगदी वेगळे दर्शन घडते, जे कदाचित आपला दृष्टिकोन बदलायला भाग पाडते.

डॉ. राजेश कापसे यांनी लिहिलेले हे प्रवासवर्णन नायजेरियात जाण्याच्या योजनेपासून ते स्वगृही परतेपर्यंतच्या रोमांचकारी अनुभवांनी भरलेले आहे.

हे प्रवासवर्णन वाचताना डॉक्टरांच्या मनात असलेले नायजेरियाबद्दलचे कुतूहल, नायजेरिया बघण्याची उत्सुकता, राजकीय, सामजिक, सांस्कृतिक, प्रेक्षणीय व ऐतिहासिक स्थळे बघतानाचे त्यांचे सूक्ष्म निरीक्षण करण्याची सवय यांचा पानापानांवर आपल्याला प्रत्यय येतो. त्यामुळेच प्रत्यक्ष अनुभव घेता नाही आला तरी पुस्तक वाचल्यानंतर नायजेरिया चे दर्शन घडते...!

डॉ. सचीन बोरकर

One of the best Marathi Book that I came across in recent times, loved the writing of dr.kapse. I have recommended books to my friend also.

Samiksha Joshi

I have ordered book from amazon.com as one of my friend told me about it. I loved the book & way of writing. I got an overlook of how is life in Nigeria.

Ravindra Ramnath